Вучэбна-метадычны комплекс уключае тэарэтычны курс і практычныя практыкаванні. “Беларуская анамастыка” – вучэбная дысцыпліна па выбару цыкла дысцыплін спецыяльнай падрыхтоўкі. У ходзе засваення дысцыпліны навучэнцы (магістранты) павінны атрымаць веды адносна структурна-семантычнай і функцыянальна-камунікатыўнай спецыфікі надзвычай важнай часткі слоўнікавага складу мовы – анамастычнай лексікі. На сённяшні дзень анамастычныя пытанні не разглядаюцца ў базавых курсах лінгвістычнага профілю першай ступені адукацыі, нягледзячы на тое, што анамастыка з’яўляецца важнай часткай сучаснай філалагічнай культуры. Наяўнасць сістэматызаваных ведаў у анамастычнай сферы – істотная адзнака кваліфікаванасці для магістрантаў, якія ўваходзяць як прафесіяналы ў сучасную грамадска-моўную практыку і практыку філалагічных даследаванняў. Паколькі анамастыка мае выразны міждысцыплінарны характар (звязана з гісторыяй, этнаграфіяй, фальклорам) і акумулюе інфармацыю па іншых дысцыплінах (“Дыялекталогія”, “Гісторыя беларускай мовы”, “Сучасная беларуская мова”), яе засваенне будзе садзейнічаць фарміраванню высокага ўзроўню лінгвістычнай і сацыякультурнай кампетэнцыі і паспрыяе паглыбленай навукова-тэарэтычнай падрыхтоўцы спецыялістаў як для далейшага навучання (у аспірантуры), так і для выкладчыцкай дзейнасці.

Panier

Total:

Dans le panier

Favoris

Supprimer tout