“Блуканец” — перадсьмяротныя (2001–2004 гг.) мэмуары паэта, перакладчыка і грамадзкага дзеяча Карласа Шэрмана (1934–2005), падсумаваньне 12-гадовага досьведу працы на пасадзе віцэ-прэзыдэнта Беларускага ПЭНа (1989 — 2001). Пабудаваная як дзённік камандзіровак аўтара па сьвеце, кніга ў той жа час адлюстроўвае ўвесь жыцьцёвы шлях Шэрмана, праз эпохі і кантынэнты. Усходняя Эўропа і Лацінская Амэрыка — геаграфічныя полюсы аповеду. Асабістае ў кнізе шчыльна пераплеценае з грамадзкім, «маркесаўская» манера пісьма спалучаецца з назіраньнямі над сучаснымі Шэрману сацыяльна-палітычнымі падзеямі Беларусі.
Карлас Шэрман нарадзіўся ў Мантэвідэа (Уругвай) у габрэйскай сям’і выхадцаў з Заходняй Беларусі, вырас у Буэнас-Айрэсе (Аргентына), атрымаў дыплём філёляга ў Нацыянальным інстытуце імя Марыяна Марэна. З 1956 года — жыхар савецкай, а пасьля незалежнай Беларусі. Перакладаў на беларускую і рускую мову гішпанамоўных літаратараў (найперш – Габрыэля Гарсію Маркеса, на гішпанскую – беларускіх пісьменьнікаў, у тым ліку Васіля Быкава.
Кніга друкуецца з ласкавай згоды Тамары Ніканавай.
Кніга выйшла дзякуючы дапамозе Святланы Алексіевіч, Фонда «Вяртанне», Беларускай фундацыі імя Пётры Крэчэўскага і Прадстаўніцтва Еўрапейскага саюза ў Беларусі.
Аформіў выданне дызайнер Анатоль Лазар

Cart

Total:

Proceed to checkout

Favorites

Delete all